د افغاني سرې میاشتې سرپرست عمومي رئیس ښاغلي مولوي مطیع الحق خالص او د بحرین هېواد د سرې میاشتې مشر سره د سعودي عربستان د جدې په ښار کې د ملي ټولنو د پینځمې مشورتي ناستې په حاشیه کې ګډه ناسته ترسره کړه!
د افغاني سرې میاشتې سرپرست عمومي رئیس ښاغلي مولوي مطیع الحق خالص او د بحرین هېواد د سرې میاشتې مشر دوکتور فوزي عبدالله امین، د الجمعیة الاسلامیة خیریه ادارې مشر ډاکتر ناصر لوري، د جمعیة التربیة الانسانیة اجرایوي مشاور او د کاف الانسانیة ادارې مشر جاسم سیار د سعودي عربستان د جدې په ښار کې د ملي ټولنو د پینځمې مشورتي ناستې په حاشیه کې ګډه ناسته ترسره کړه. ناسته کې د افغاني سرې میاشتې سرپرست عمومي رئیس د ګډونوالو پوښتنو ته د افغانستان د روان بشري وضعیت او د افغاني سرې میاشتې د فعالیتونو او پلانونو په اړه تفصیلي معلومات ورکړل او له ګډون کوونکو یې له افغانستان سره د بشري مرستو غوښتنه وکړه. همدا ډول یې له ګډون کوونکو وغوښتل، چې افغانستان ته سفرونه وکړي؛ ترڅو شته بشري اړتیاوې او د افغاني سرې میاشتې فعالیتونه له نېږدې وویني.
