د افغاني سرې میاشتې سرپرست عمومي رئیس او مرستیال يې د آی سي آر سي نړیوالې کمېټې له عمومي مسئول، په افغانستان کې د یادې کمېټې مشرې او د چین د سره صلیب له اجرايوي مشر سره وکتل!
د افغاني سرې میاشتې سرپرست عمومي رئیس او مرستیال يې د آی سي آر سي نړیوالې کمېټې له عمومي مسئول، په افغانستان کې د یادې کمېټې مشرې او د چین د سره صلیب له اجرايوي مشر سره وکتل!
نن چهارشنبه د شعبان د میاشتې پر ۲۰مه، د افغاني سرې میاشتې سرپرست عمومي رئیس ښاغلي شیخ الحدیث شهاب الدین دلاور او د نوموړي مرستیال ښاغلي حافظ عزیز الرحمن په کابل کې، د آی سي آر سي نړیوالې کمېټې له عمومي مسئول ښاغلي پییر کرېینبل، په افغاستان کې د یادې کمېټې له مشرې آغلې کترینا رېټز او د چین د سره صلیب له اجرايوي مشر وانګ کي سره لیدنه وکړه.
د یادې لیدنې په پیل کې ښاغلي دلاور دوی ته تر ښه راغلاست وروسته په افغانستان کې د افغاني سرې میاشتې د بېلابېلو پروګرامونو او فعالیتونو په اړه په مفصل ډول معلومات وړاندې کړل او زیاته یې کړه چې "مونږ له هر ډول تبعیض او تعصب پرته، پر ټاکلي وخت د مرستندویه هېوادونو مرستې تر اړمنو او پېښځپلو هېوادوالو رسوو او له مرستندويه هېوادونو غوښتنه کوو څو د اړمنو، بې سرپرسته کورنيو او پېښځپلو د لاسنيوي او د رواني ناروغانو د درملنې په برخه کې د افغاني سرې مياشتې هر اړخيز ملاتړ وکړي".
همدا ډول د آی سي آر سي نړیوالې کمېټې مسئول، په افغانستان کې د آی سي آر سي مشرې او د چین د سره صلیب اجرايوي مشر د افغاني سرې میاشتې فعالیتونه وستایل او ژمنه یې وکړه چې له یادې خیریه ملي ټولنې سره به د مرستو په پراخوالي کې خپلو هڅو ته دوام ورکړي.
د یادونې وړ ده، چې یاد پلاوي د کابل له مرکزي مرستون او د رواني ناروغانو د درملنې او پالنې له مرکز او خدماتي چارو څخه هم لیدنه وکړه.
