د افغاني سرې میاشتې سرپرست عمومي رئيس په افغانستان کې د برتانیې د سره صلیب له مسئول سره وکتل!
د افغاني سرې میاشتې سرپرست عمومي رئيس په افغانستان کې د برتانیې د سره صلیب له مسئول سره وکتل!
نن پنجشنبه د رجب میاشتې پر ۲۹مه، د افغاني سرې میاشتې سرپرست عمومي رئيس ښاغلي شیخ الحدیث شهاب الدین دلاور ددې خیریه ملي ټولنې په مرکزي دفتر کې په افغانستان کې د برتانیې د سره صلیب له مسئول ښاغلي جیرمي سمېت سره د ګډو فعاليتونو د همغږۍ په تړاو ناسته وکړه.
ناسته کې سرپرست عمومي رئيس له دې خیريه ملي ټولنې د ملاتړ برخه کې د دوی له همکاریو مننه وکړه او د برتانیې د سره صلیب مرستې یې د بې سرپرسته او اړمنو کورنیو د لاسنیوي لپاره ارزښتمنې یادې کړې.
دا راز ښاغلي دلاور له ښاغلي سمېت څخه د سوري زړه ناروغانو د درملنې په برخه کې د لا زیاتې مرستې غوښتنه وکړه او نوموړي ته یې د یادو ناروغانو د بېوزلۍ په تړاو بشپړ معلومات وړاندې کړل.
ورپسې په افغانستان کې د برتانیې د سره صلیب مسئول د خپلو همکاریو د جاري ساتلو د دوام ډاډ څرګند کړ او د مرستونونو او سوري زړه ناروغانو د درملنې په برخه کې د مرستې سربېره يې ژمنه وکړه، چې کاري شريکان به و هڅوي، څو له دې خیریه ملي ټولنې سره خپلې مرستې لا پراخې کړي.
