د افغاني سرې میاشتې د مشرتابه او د ملي ټولنو د کاري شریکانو تر منځ د همغږۍ آنلاین ناسته وشوه!
د افغاني سرې میاشتې د مشرتابه او د ملي ټولنو د کاري شریکانو تر منځ د همغږۍ آنلاین ناسته وشوه!
نن سه شنبه د شوال میاشتې پر ۱۰مه، د افغاني سرې میاشتې سرپرست عمومي رئیس ښاغلي شيخ الحديث شهاب الدین دلاور او سرپرست سکرتر جنرال ښاغلي مولوي روح الله عبدالسلام ددې خيريه ملي ټولنې په مرکزي دفتر کې په افغانستان کې د نړيوال فدراسيون د سرپرست مسٸول ښاغلي احمد سليمان په شتون کې د نړۍ د ۶۰ هېوادونو د سرو میاشتو او سرو صلیبونو له مسؤلینو سره د ملي ټولنو د مالي منابعو د پراختیا، د کارکوونکو ظرفیت لوړولو، همغږۍ او بشرپاله فعالیتونو د ځواکمنتیا په موخه آنلاین ناسته وکړه.
ناسته کې د افغاني سرې میاشتې سرپرست عمومي رئیس د ملي ټولنو لومړیتوبونو او اړتیاوو ته پر پاملرنه ټينګار وکړ او د شته ستونزو د هواري، د ګډو خدماتو او فعاليتونو د پراختیا او همغږۍ برخه کې د دا ډول ناستو دایرول مهم وبلل.
ورپسې د بېلابېلو ملي ټولنو استازو پر خپل منځي همکاریو او د ملي ټولنو د پياوړتيا، ملاتړ او د بشري مرستو د پراختیا په اړه د معلوماتو وړاندې کولو سربېره پر يو لړ نورو مهمو موضوعاتو بحث او خبرې وکړې، د یادو ملي ټولنو استازو د بشري مرستو د تنظیم او همغږۍ په برخه کې د ورته ناستو برابرول د ستونزو د حل برخه کې یو ښه اقدام وباله.
