دافغاني سرې میاشتې ټولنې له لوري په پکتیا ولایت کې خوراکي توکي وویشل شول!
د روان ۱۴۰۰ لمریز کال د سلواغې د میاشتې په ۲۶ نېټه ۱۰۰۰ اړمنو، وچکالۍ ځپلو، بېځایه شوو، بې سرپرسته، یتیم ماشومانو، معلولینو او معیوبینو کورنیو سره د افغاني سرې میاشتې له لوري د پکتیا ولایت د مرکز ګرديز او زرمت ولسوالۍ اوسیدونکو ته د پکتیا ولایت سرې میاشتې په انگړ کی ۹ قلمه خوراکي توکي چې په کې ۵۰ کیلو اوړه، ۲۴.۵ کیلو وریژې، ۱۰ لېتره غوړي،۷ کیلو لوبیا، ۷ کیلو نخود ، ۷ کیلو دال، ، ۵ کیلو بوره، یوه کیلو شین چای او ۲ کیلو مالګه شامله وه د مرکزی سویل لوديځ زون رئیس مولوی الیاس خیل (ناصری)، محمد طیب مبارک د پکتیا د سري میاشتي ریس، ښاغلی ین سن د المان د سولې کلي استازی، نوراغا صاحب زاده د سري مياشتي ویاند ، محمد نصیر ایین ، کارکونکو او رضاکارانو په شتون کي ووېشل شول. یاده مرسته د آلمان د سولې کلي موسسي له لوري شوي وه.
د المان د سولې کلي موسسه د ماتو هډوکو او سخت سوي ماشومانو د درملنې تر څنگ ټولټال ۶۰۰۰ خوراکي توکو مرسته ترسره کړې چې د کابل ، پکتیا، خوست، لغمان او کاپیسا ولایاتو کې به پر اړمنو کورنیو وویشل شي .
په پام کې ده چې سبا د چهار شنبې په ورځ به هم ۱۰۰۰ اړمنو کورنیو ته په خوست ولایت کې مرسته ترسره شي.
