ختيځو ولایتونو کې ۳۰۰۰ بې سرپرسته کونډو ته د افغاني سرې میاشتې له لوري د ۲۵،۵۰۰،۰۰۰ افغانیو د نغدي مرستې د ویش بهیر نن پیل شو!
ختيځو ولایتونو کې ۳۰۰۰ بې سرپرسته کونډو ته د افغاني سرې میاشتې له لوري د ۲۵،۵۰۰،۰۰۰ افغانیو د نغدي مرستې د ویش بهیر نن پیل شو. د یادو بې سرپرسته کونډو د تثبیت سروې څو ورځې وړاندې بشپړه شوې وه، چې په کې به په هره ولسوالۍ کې ۵۰ بې سرپرستو کونډو ته نغدي مرسته ورکول کېږي همدا ډول به د کونړ، ننګرهار، نورستان او لغمان ولایتونو په مرکزونو کې هم یو شمېر تثبیت شویو بې سرپرسته کونډو ته یاده مرسته ورکړل شي. یاده نغدي مرسته به په ننګرهار ولایت کې ۱۰۰۰، کونړ ولایت کې ۷۰۰، لغمان ولایت کې ۷۰۰ او نورستان کې ۶۰۰ بې سرپرسته کونډو ته وویشل شي د هېواد په ختیځو ولایتونو کې ۳۰۰۰ کونډو ته د نغدي مرستې د ویش بهیر په ټول هېواد کې ۲۴۰۰۰ بې سرپرسته کونډو ته د ۲۰۴،۰۰۰،۰۰۰ نغدي مرستې دوام دی، چې یوه میاشت وړاندې پیل شوې او څو ورځې وروسته به پای ته ورسېږي.
