بدخشان کې نن ۲۸۳ نورو کورنیو ته د افغاني سرې میاشتې له لوري مرسته وویشل شوه!
د بدخشان ولایت په وردوج ولسوالۍ کې د پرون په تعقیب د افغاني سرې میاشتې له لوري نن ۲۸۳ نورو کورنیو ته د خوراکي توکو مرسته وویشل شوه.
په یاده مرسته کې ۸ قلمه مواد شامل دي، چې په کې ۱۰۰ کیلو اوړه، ۴۹ کیلو وریژې، ۱۴ کیلو لوبیا، ۱۰ کیلو بوره، ۴ کیلو مالګه، ۲ کیلو چای، دوه قطعۍ BP۵ بسکوټ او ۲۰ لیتره غوړي شتون لري.
پرون هم په یاده ولسوالۍ کې د افغاني سرې میاشتې له لوري ۲۱۷ اړمنو کورنیو ته یاده مرسته ویشل شوې وه. ټاکل شوې له وردوج ولسوالۍ وروسته به د یمګان ولسوالۍ ۵۰۰ جنګ ځپلو، وچکالۍ ځپلو او بې ځایه شویو اړمنو کورنیو ته هم یاده مرسته د افغاني سرې میاشتې له لوري وویشل شي.
