افغاني سرې میاشتې پکتیکا ولایت کی ۵۰۰ زلزله ځپلو کورنیو سره بشری مرسته ترسره کړه!
د بشري مرستو په لړ کې افغاني سرې میاشتې د صفر المظفر په ۲۹مه د ترکیي هیواد له لورې مرسته شوي ۹ قلمه خوراکي توکي د ګیان ولسوالۍ په بېلابېلو کلیو کې زلزله ځپلو کورنیو ته وویشل. د مرستې په دي ګیډۍ کی لاندي توکي شامل وو: ۵۰ کیلو اوړه، ۵ لیټره غوړي، ۱۰ کیلو وریژې، ۵ کیلو لوبیا، نیم کیلو چای، ۲ کیلو بوره، ۲ کیلو مکروني، ۱ قطۍ روپ او درې پاکټه بیسکټ. د یخ ژمي په رارسېدو سره راځئ ددې بیوزله، بی کوره زیانمنو وګړو په دي سختو شېبو کې لاسنیوی وکړو او خپلو بشري مرستو ته ادامه ورکړو.
