افغاني سرې میاشتې هرات کې پر سېلاب ځپلو کورنیو نغدي مرسته ووېشله
شنبه، ۱۷ شوال ۱۴۴۷
افغاني سرې میاشتې د هرات ولایت د فارسي ولسوالۍ د اِرخ په کلي کې پر ۲ سېلاب ځپلو کورنیو نغدي مرسته ووېشله.
په مرسته کې یوه کورنۍ، چې ځاني او مالي زیانونه ورته اوښتي وو، ۳۰ زره افغانۍ او بلې کورنۍ ته ۱۵ زره افغانۍ ورکړل شوې.
دغه مرسته د بېړني لاسنیوي او انساني همدردۍ په موخه یادو کورنیو ته ورکړل شوه.
د یادونې وړ ده، چې تېره ورځ هم د همدې ولایت په انجیل ولسوالۍ کې پر ۲ سېلاب ځپلو کورنیو ورته مرسته وېشل شوې وه.
د طبیعي پېښو له امله زیانمنو هېوادوالو ته پر وخت رسېدګي او د هغوی لومړنۍ اړتیاوې پوره کول، د افغاني سرې میاشتې کاري وجیبه ده.
