افغاني سرې میاشتې ننګرهار کې د ورښتونو له امله زیانمنو شوو ۲ کورنیو سره نغدي مرسته وکړه
سې شنبه، ۸ شعبان ۱۴۴۷
افغاني سرې میاشتې د ننګرهار ولایت د نازیانو او دُر بابا ولسوالیو له هغو ۲ کورنیو سره، چې د سختو ورښتونو او خونو د چت پرېوتو له امله په کې ۲ تنو ژوند له لاسه ورکړی و؛ نغدي مرسته وکړه، چې هرې کورنۍ ته ۱۱،۵۰۰ افغانۍ ورکړل شوې.
دغه مرسته له یادو کورنیو سره د بېړني لاسنیوي او بشري خواخوږي په موخه ترسره شوه.
افغاني سره میاشت د یوې بې طرفې او بشرپالې ټولنې په توګه، تل هڅه کوي چې د پېښو له امله د زیانمنو شوو کورنیو لاسنیوي او ستونزو ته پر وخت رسېدنه وکړي.
