افغاني سرې میاشتې د کندهار ولایت په ښورابک ولسوالۍ کې ۳۰۰ سېلاب ځپلو کورنیو سره د خوراکي توکو مرسته ترسره کړه
د بشري مرستو په لړ کې نن شنبه د صفرالمظفر پر ۲۷مه افغاني سرې میاشتې د دوست هېواد ترکیې له لوري چمتو شوي خوراکي توکي د کندهار ولایت په ښورابک ولسوالۍ کې ۳۰۰ سېلاب ځپلو کورنیو ته په شفاف او منظم ډول ووېشل.
په وېشل شوې مرسته کې هرې کورنۍ ته؛ ۱۰۰ سل کیلو اوړه، ۱۰ لیتره غوړي، ۸ کیلو لوبیا، ۲۴.۵ کیلو وريژې، ۲ کیلو مالګه، ۱ یوکیلو شین چای، ۵ کیلو بوره، او یو پاکت Bp5 بیسکویت شامل وو.
