افغاني سره مياشت د نړيوال فدراسيون په همکارۍ تورخم فرضي کرښې ته څېرمه د راستنېدونکو کډوالو لپاره ٢٠٠ خېمې نصبوي!
افغاني سره مياشت د نړيوال فدراسيون په همکارۍ تورخم فرضي کرښې ته څېرمه د راستنېدونکو کډوالو لپاره ٢٠٠ خېمې نصبوي!
نن چهارشنبه د شوال میاشتې پر ۱۱مه، د افغاني سرې میاشتې سرپرست عمومي رئیس ښاغلي شيخ الحديث شهاب الدین دلاور ددې خيريه ملي ټولنې په مرکزي دفتر کې په افغانستان کې د نړيوال فدراسيون له سرپرست مسٸول ښاغلي احمد سليمان سره له ګاونډیو هېوادونو راستنېدونکو کډوالو ته د هغوی اړتیاوو ته په کتو د مرستو برابرولو او لاسنیوي په تړاو د همغږۍ ناسته وکړه.
ناسته کې سرپرست عمومي د نړیوال فدراسیون له هر اړخيزو اوږد مهاله او دوامداره همکاریو څخه د مننې ترڅنګ راستنېدونکو کډوالو ته د روغتیایي خدماتو، له تودوخې او ګرمې هوا څخه د ژغورنې برخه کې هغوی ته د سرپناه رامنځته کولو په موخه د اړینو مرستو غوښتنه وکړه.
ورپسې د نړیوال فدراسیون سرپرست مسٸول راستنو شویو کډوالو کورنیو ته د بېلابېلو مرستو چمتو کولو ژمنه وکړه او ډاډ یې ورکړ چې له افغاني سرې میاشتې سره په همغږۍ به نږدې راتلونکي کې تورخم فرضي کرښې ته څېرمه د ۲۰۰ خېمو د نصبولو چارې پیل شي.
