سرپل او جوزجان کې ۸۰۰ اړمنو او راستنو شویو کورنیو ته ۱۶ ټنه لوبیا ووېشل شوه
شنبه، ۳ صفر ۱۴۴۸
د افغاني سرې میاشتې له لوري ۴۰۰ اړمنو او له ګاونډیو هېوادونو څخه راستنو شویو کورنیو ته په سرپل او ۴۰۰ کورنیو ته په جوزجان ولایت کې د خوراکي مرستو په لړ کې ۱۶ ټنه لوبیا ووېشل شوه.
یاده مرسته د ازبکستان هېواد له لوري چمتو شوې وه، چې له مخې یې هرې کورنۍ ۲۰ کیلو لوبیا ترلاسه کړه.
افغاني سره میاشت هڅه کوي، چې اړمنو او راستنو شویو کورنیو ته پر وخت بشري مرستې ورسوي او د هغوی د لومړنیو اړتیاوو په پوره کولو کې اغېزمنه ونډه واخلي.
