کاپیسا؛ د ورښتونو له امله ۸ زیانمنو کورنیو ته بېړنۍ مرسته ورسول شوه
دوشنبه، ۱۰ ذو القعده ۱۴۴۷
د افغاني سرې میاشتې له لوري د کاپیسا ولایت د تګاب ولسوالۍ په بېلابېلو سیمو کې د وروستیو ورښتونو له امله ۸ زیانمنو کورنیو ته بېړنۍ بشري مرسته ورسول شوه.
په مرسته کې د هرې کورنۍ لپاره ۷ کمپلې، ۱ ترپال، د پخلنځي د توکو یو سیټ او ۲ د اوبو بوشکې شاملې وې.
یاده مرسته د زیانمنو کورنیو د لومړنیو اړتیاوو پوره کولو او د هغوی د ستونزو کمولو په موخه برابره شوې وه.
افغاني سره میاشت هڅه کوي، چې د طبیعي پېښو پر مهال د زیانمنو کورنیو لومړنۍ اړتیاوې په وخت پوره کړي.
