پروان کې ۲۰۰ نورو اړمنو کورنیو ته د افغاني سرې میاشتې له لوري مرسته وویشل شوه
نن دوشنبه د روان ۱۴۰۰ لمریز کال د سلواغې پر ۱۱مه پروان ولایت کې د افغاني سرې میاشتې له لوري ۲۰۰ نورو اړمنو او بې سرپرسته کورنیو ته د خوراکي او غیر خوراکي توکو مرسته وویشل شوه. پرون هم ۱۰۶ اړمنو کورنیو ته د پروان ولایت د مرکز چاریکارو شاوخوا کلیو کې مرسته ویشل شوې وه.
په دې مرسته کې هرې کورنۍ ته د البسې د بېلابېلو توکو یو بیک، ۱۰۰ کیلو اوړه، یو کارتن خوراکي توکي او دوه کمپلې شاملې وې. یاده مرسته د سعودي عربستان د ملک سلمان خیریه بنسټ له لوري چمتو شوې وه.
