ننګرهار ولایت کې د وفات شوي رضاکار له کورنۍ سره نغدي مرسته تر سره شوه!
ننګرهار ولایت کې د وفات شوي رضاکار له کورنۍ سره نغدي مرسته تر سره شوه!
نن پنجشنبه د ذو القعدې د میاشتې پر ۱۷مه، د افغاني سرې میاشتې له لوري د ننګرهار ولایت د بټي کوټ ولسوالۍ په نواقلو سیمه کې د عرب ګل په نوم د هغه رضاکار له کورنۍ سره دېرش زره (۳۰،۰۰۰) افغانۍ نغدي مرسته ترسره شوه چې د تورخم په عمري پنډغالي کې راستنېدونکو کډوالو ته د رضاکارانه خدمتونو پر مهال ناروغ او د ننګرهار حوزوي روغتون ته پر لاره یې خپل ژوند له لاسه ورکړی و.
د افغاني سرې میاشتې پلاوي د وفات شوي رضاکار کورنۍ ته د تسلیت وړاندې کولو ترڅنګ مرحوم ته د عفوې دعا وکړه او د دوی له کورنۍ سره يې د دوامداره اړيکې ژمنه وکړه.
افغاني سره مياشت د يوې ملي ټولنې په توګه هڅه کوي، چې د رضاکارانو حقونه خوندي او رسېدنه ورته وکړي.
