د شمال لویدیځ مرکزي زون او اړونده نمایندګیو د پېښو برخې مدیرانو او رضاکارانو ته روزنیز ورکشاپ دایر شو!

arcs_website_admin
یکشنبه ۱۴۰۴/۲/۱۴ - ۱۰:۵۰
خبرونه

د شمال لویدیځ مرکزي زون او اړونده نمایندګیو د پېښو برخې مدیرانو او رضاکارانو ته روزنیز ورکشاپ دایر شو!

نن یکشنبه د ذوالقعدې میاشتې پر ۶ مه، د شمال لویدیځ مرکزي سیمه ییز زون او اړونده( کابل، پروان، کاپيسا، پنجشیر، بامیان او دایکندي ) نمایندګیو د پېښو برخې ۳۰ تنو مدیرانو او رضاکارانو ته د افغاني سرې میاشتې په تخنيکي او د نړیوال فدراسیون په مالي مرسته د کابل سټار هوټل کې  پېښځپلو سیمو ته د نغدو پیسو د لېږد او پر زیانمنو او اړمنو وګړو د وېش برخه کې ۳ ورځنی روزنیز ورکشاپ د دې خیریه ملي ټولنې د سرپرست سکرتر جنرال ښاغلي مولوي روح الله عبد السلام او په افغانستان کې د نړیوال فدراسیون د سرپرست مسئول ښاغلي میلن په شتون کې پيل شو. 
د یاد ورکشاپ په پرانیسته کې سرپرست سکرتر جنرال په ښه شکل د خدماتو وړاندې کولو او په سیمه کې د شته ستونزو د حل په موخه د پېښو ریاست اړوند مدیرانو او رضاکارانو روزنه مهمه یاده کړه او دې برخه کې یې د نړیوال فدراسیون له همیشنۍ همکارۍ او مرستو مننه وکړه، دا راز ښاغلي عبدالسلام د ورکشاپ ګډونوالو ته لارښوونه وکړه، څو ورسپارل شویو مسئولیتونو ته متوجه اوسي او له ورکشاپ څخه په اعظمي توګه ګټه واخلي. 
ورپسې د نړیوال فدراسیون سرپرست مسئول د یاد ورکشاپ د اړتیا او ارزښت په هکله وینا وکړه او د پېښو د مدیریت او زیانونو د راکمولو برخه کې یې کارکوونکو ته دا ډول ورکشاپونه دایرول مهم او اغېزمن وبلل او له افغاني سرې میاشتې سره یې د هر راز همکاریو د دوام ډاډ وړاندې کړ.

د يادونې وړ ده چې په دې ورکشاپ کې به زیانمنو سيمو ته د نغدو پيسو د لیږد او پېښځپلو ته يې د وېش د غوره طریقو په تړاو هر اړخيز معلومات وړاندې شي.

تازه خبرونه

شنبه ۱۴۰۵/۸/۳۰ - ۱۴:۲۵
Background image

بامیانو کې د شونډو او تالو چاود لرونکو ۲۰۰ ماشومانو ته وړیا جراحي عملیات ترسره شول

شنبه، ۱۰ جمادى ‌الآخره ۱۴۴۸

د جرمني هېواد د شونډو او تالو چاود په برخه کې متخصصو روغتیاپالانو د آغا خان بنسټ په ملاتړ په بامیان ولایت کې د دغو ناروغیو لرونکو ۲۰۰ ماشومانو وړیا جراحي. . .

شنبه ۱۴۰۵/۸/۳۰ - ۹:۲۵
Background image

کابل؛ ۳۲ کارکوونکو ته د مالي کړنلارو په اړه څلور ورځنۍ روزنه پیل شوه

شنبه، ۱۰ جمادی‌ الآخره ۱۴۴۸

د افغاني سرې میاشتې د مالي ریاست په نوښت، د روغتیايي خدمتونو، داخلي پلټنې، مالي او پېښو ریاستونو او کنټرول آمریت ۳۲ کارکوونکو ته د مالي مدیریت او کړنلارو په. . .

شنبه ۱۴۰۵/۸/۳۰ - ۶:۳۹
Background image

زابل؛ له ۷۰۰ زیانمنو کورنیو سره ۸.۷۵ میلیونه افغانۍ نغدي مرسته وشوه

شنبه، ۱۰ جمادی‌ الآخره ۱۴۴۸

د افغاني سرې میاشتې له لوري د زابل ولایت د شملزو ولسوالۍ په ځنځیر کلي کې د جګړو له امله له ۷۰۰ زیانمنو کورنیو سره ۸ میلیونه او ۷۵۰ زره افغانۍ نغدي مرسته. . .

BACK TO NEWS