‏د افغاني سرې میاشتې سرپرست عمومي رئیس د فرانسويانو شفاخانې له سر طبيب او مل پلاوي سره وليدل

arcs_website_admin
سه‌شنبه ۱۴۰۳/۸/۱۵ - ۱۰:۴۱
خبرونه

‏د افغاني سرې میاشتې سرپرست عمومي رئیس د فرانسويانو شفاخانې له سر طبيب او مل پلاوي سره وليدل

نن سه شنبه د جمادي الأولى د میاشتې پر ٣ مه ، د افغاني سرې میاشتې سرپرست عمومي رئیس ښاغلي شیخ الحدیث شهاب الدین دلاور په خپل کاري دفتر کې د فرانسويانو شفاخانې له سر طبيب ښاغلي ډاکټر طارق رحيمي او د مل پلاوي سره د زړه پر رنځ د اخته ناروغانو په درملنه کې د لا ډېرو معياري خدمتونو د وړاندې کولو، د عملياتو پروسه کې  د چټکتيا په رامنځته کېدو، د درملنې د لګښتونو په برخه کې د تخفيف او يو لړ مهمو موضوعاتو په اړه ناسته وکړه.

د افغاني سرې مياشتې سرپرست عمومي رئیس د يادې شفاخانې له لوري د وړاندې کېدونکو روغتيايي خدمتونو مننه وکړه او د طبابت په سپېڅلي مسلک کې ېې د اخلاص او صداقت پر ارزښت د خبرو ترڅنګ ټينګار وکړ چې د فرانسويانو شفاخانه دې د افغاني سرې مياشتې له لوري د ور پېژندل کېدونکو د زړه سوري په رنځ د اخته ناروغانو درملنه کې لا ډېر معياري او غوره خدمات وړاندې، مغلق او سختو عملياتو کې دقت ته لومړيتوب  او د لګښتونو په برخه کې دې تخفيف په پام کې ونيسي ځکه ددې ناروغانو د ژوند په ژغورلو کې زمونږ ګډې هڅې په صدقه جاريه کې حسابيږي.
ورپسې ښاغلي رحيمي د فرانسويانو شفاخانې د روغتيايي فعاليتونو او خدمتونو په اړه تفصيلي معلومات وړاندې کړل او ياده يې کړه چې د زړه سوري په رنځ د اخته ناروغانو لپاره د ساده او مغلقو عملياتو د ترسراوي په برخه کې د مسلکي او متخصصو ډاکټرانو په لرلو سره معياري او غوره روغتيايي خدمتونه وړاندې کول زمونږ په لومړيتوب کېقرار لري.
دا راز د يادې شفاخانې استازو د افغاني سرې مياشتې سرپرست عمومي رئیس ته د زړه په رنځ د اخته ناروغانو د درملنې او د شوي تفاهم ليک په اړه خپل وړانديزونه او ستونزې واورولې چې د ښاغلي دلاور له لوري ورته د حل ډاډ ورکړ شو. 
https://t.me/ARCSAfghanistan

تازه خبرونه

شنبه ۱۴۰۵/۸/۳۰ - ۹:۲۵
Background image

کابل؛ ۳۲ کارکوونکو ته د مالي کړنلارو په اړه څلور ورځنۍ روزنه پیل شوه

شنبه، ۱۰ جمادی‌ الآخره ۱۴۴۸

د افغاني سرې میاشتې د مالي ریاست په نوښت، د روغتیايي خدمتونو، داخلي پلټنې، مالي او پېښو ریاستونو او کنټرول آمریت ۳۲ کارکوونکو ته د مالي مدیریت او کړنلارو په. . .

شنبه ۱۴۰۵/۸/۳۰ - ۶:۳۹
Background image

زابل؛ له ۷۰۰ زیانمنو کورنیو سره ۸.۷۵ میلیونه افغانۍ نغدي مرسته وشوه

شنبه، ۱۰ جمادی‌ الآخره ۱۴۴۸

د افغاني سرې میاشتې له لوري د زابل ولایت د شملزو ولسوالۍ په ځنځیر کلي کې د جګړو له امله له ۷۰۰ زیانمنو کورنیو سره ۸ میلیونه او ۷۵۰ زره افغانۍ نغدي مرسته. . .

شنبه ۱۴۰۵/۸/۳۰ - ۵:۲۴
Background image

پکتيا کې زرګونو ناروغانو ته پراخ روغتيايي خدمتونه وړاندې شوي

شنبه، ۱۰ جمادی الآخره ۱۴۴۸ 

د افغاني سرې میاشتې روغتیايي کارکوونکو د پکتیا ولایت په بېلابېلو ولسوالیو او کلیو کې د تېرو ۳۰ ورځو په اوږدو کې ۷۵۹۹ تنو سراپا ناروغانو ته د معاینې، اړینو. . .

BACK TO NEWS