د افغاني سرې میاشتې سرپرست عمومي رئيس او مرستیال يې په افغانستان کې د برتانیې د سره صلیب له مسئول سره وکتل.
د افغاني سرې میاشتې سرپرست عمومي رئيس او مرستیال يې په افغانستان کې د برتانیې د سره صلیب له مسئول سره وکتل.
نن چهارشنبه د ربیع الآخر د میاشتې پر ۶ مه، د افغاني سرې میاشتې سرپرست عمومي رئيس ښاغلي شیخ الحدیث شهاب الدین دلاور او د نوموړي مرستیال ښاغلي الحافظ عزیزالرحمن په افغانستان کې د برتانیې هېواد د سره صلیب له مسئول ښاغلي جیرمي او مل پلاوي سره ددې خيريه ملي ټولنې له بشرپالو فعاليتونو د ملاتړ او د مرستو پر دوام خبرې وکړې.
ناسته کې د افغاني سرې میاشتې سرپرست عمومي رئيس د سوري زړه په رنځ د اخته ماشومانو د درملنېبرخه کې د یاد هېواد د سره صلیب له مالي ملاتړ څخه د مننې ترڅنګ له نوموړي غوښتنه وکړه، څو د بې سرپرسته کونډو، یتیمانو، رواني ناروغانو او ددې خيریه ملي ټولنې د مرکزي روغتون د تجهیز په برخه کې هم مرستې ترسره کړي.
ورپسې په افغانستان کې د برتانیې هېواد د سره صلیب مسئول د افغان ولس لپاره د افغاني سرې میاشتې له لارې خدمات اغیزمن وبلل او د مرستو د دوام ژمنه یې وکړه، دا راز نوموړي له دې خيريه ملي ټولنې سره د ۶ میلیونه امریکايي ډالرو په ارزښت د خپلو روانو پروژو په تړاوتفصیلي معلومات وړاندې کړل او زیاته یې کړه چې نږدې ورځو کې به د افغاني سرې مياشتې سره د پېښځپلو، روغتیا، اقليمي بدلون او مرستونونو د ودانيو د ویجاړو برخو د رغونې برخه کې به هم د همکارۍ هوکړه لیک لاسلیک کړو.
