کونړ کې پر ۱۰۰۰ زلزله ځپلو کورنیو ژمني توکي ووېشل شول
دوشنبه، ۲۴ جمادی الآخره ۱۴۴۷
د افغاني سرې میاشتې له لوري د کونړ ولایت، نورګل ولسوالۍ کې د زلزله ځپلو لپاره په جوړ شوي پنډغالي کې پر ۱۰۰۰ زیانمنو شوو کورنیو د ژمنیو اړتیاوو د پوره کولو په موخه ۳ قلمه د غیر خوراکي توکو مرسته ووېشل شوه.
په مرسته کې هرې کورنۍ ته ۷ کمپلې، ۷ توشکې او ۷ بالښتونه ورکړل شول.
دغه مرسته به د یادو زلزله ځپلو کورنیو ژمنۍ اړتیاوې تر یوې کچې پوره کړي.
