ننګرهار ولایت کې ١٠ بې سرپرسته کونډو ته په کور دننه د کار زمينه برابره شوه!
ننګرهار ولایت کې ١٠ بې سرپرسته کونډو ته په کور دننه د کار زمينه برابره شوه!
نن شنبه د شعبان د میاشتې پر ۹مه، د افغاني سرې میاشتې اړوند د ختیځ زون د مرستون له لارې د ننګرهار ولایت په بهسودو ولسوالۍ کې ۱۰ بې سرپرسته کورنیو لپاره د عايد ترلاسه کولو او کوچنيو کاروبارونو د زمينې برابرولو په موخه په يادو کورنيو په ټوله کې د ۲۶۰ چرګو او چرګانو مرسته ووېشل شوه.
یاده مرسته چې د نړیوال فدراسیون په مالي همکارۍ چمتو شوې وه؛ هرې کورنۍ ته ۲۴ چرګې، ۲ چرګان او د هغو د د ښې ساتنې لپاره ٢ پنجرې، خوراکي دانه، خوراکي لوښي او نور د اړتیا وړ توکي ورکړل شول.
