سرپرست عمومي رئيس له مرکزي روغتون لیدنه وکړه!
سرپرست عمومي رئيس له مرکزي روغتون لیدنه وکړه!
نن شنبه د رجب د میاشتې پر ۲۴مه، د افغاني سرې میاشتې سرپرست عمومي رئيس ښاغلي شیخ الحدیث شهاب الدین دلاور، ددې خیریه ملي ټولنې اړوند کابل مرکزي روغتون کې د ناروغانو د درملنې او دوی ته د ترسره کېدونکو خدماتو له بهیر څخه لیدنه وکړه.
کتنه کې د افغاني سرې میاشتې سرپرست عمومي رئیس روغتیاپالانو ته د روغتیایي خدماتو ترسره کولو پر وړاندې د شته ستونزو د حل ډاډ ورکړ او ناروغانو ته یې د عاجلې روغتیا او لا ښو خدماتو وړاندې کولو هيله څرګنده کړه.
دا راز ښاغلي دلاور د روغتون مسئولینو ته سپارښتنه وکړه، څو د ناروغانو په درملنه او عملیاتو کې له بشپړ صداقت او اخلاص کار واخلي او له مراجعینو سره د اسلامي اخلاقو په رڼا کې چلند وکړي.
