د افغاني سرې میاشتې سرپرست عمومي رئیس له مل پلاوي سره د سویل ختیځ زون پکتيا ولايت ته سفر وکړ

arcs_website_admin
شنبه ۱۴۰۳/۷/۱۴ - ۴:۳۲
خبرونه

‏د افغاني سرې میاشتې سرپرست عمومي رئیس له مل پلاوي سره د سویل ختیځ زون پکتيا ولايت ته سفر وکړ

نن پنجشنبه د ربیع الأول د میاشتې پر ۳۰مه، د افغاني سرې میاشتې سرپرست عمومي رئیس شیخ الحدیث شهاب الدین دلاور د خپل سفر په ترڅ کې د پکتیا ولایت د والي الحاج ملا مهر الله حماد، د بېلابېلو ولايتي رياستونو مسٸولينو او د سرې مياشتې د سويل ختيځ سيمه يز  زون د رئیس په ګډون د اړونده نمایندګیو رئیسانو او کارکوونکو سره د چارو د ښه والي، کارونو کې د چټکتيا رامنځته کولو او اړمنو ته پر وخت د رسېدنې په موخه د ياد زون په رياست کې غونډه  وکړه.
غونډه کې ښاغلي دلاور افغاني سره میاشت يوه بشرپاله، خپلواکه او ملي خيرپاله ټولنه ياده کړه او د يادې ټولنې له لوري د ټول هېواد په کچه د ترسره کېدونکو بشرپاله، روغتيايي او ښوونيزو  فعالیتونو په اړه يې تفصیلي معلومات وړاندې کړل، نوموړي زياته کړه چې د افغاني سرې مياشتې کارکوونکي بايد په پوره اخلاص او صداقت خپل مسٸوليتونه ترسره کړي ځکه چې دوى په داسې يو حساس ځای کې کار کوي چې دنده يې د بې وزلو، اړمنو، بې سرپرسته کونډو او يتيمانو لاسنيوى او مرسته کول دي، که څوک  په دې برخه کې ناغيړي کوي، هغه به د الله ، د هغه د رسول صلى الله عليه وسلم او بنده ګانو پر وړاندې مسٸول وي.
همدا راز د افغاني سرې مياشتې سرپرست عمومي رٸيس د یادې تولنې مسئولینو ته د چارو د لا ښه والي په موخه د  لازمو لارښوونو او سپارښتنو ترڅنګ په پکتیا ولایت کې د رواني ناروغانو د ساتنې او درملنې مرکز د جوړېدو هيله هم څرګنده کړه.

تازه خبرونه

شنبه ۱۴۰۵/۸/۳۰ - ۹:۲۵
Background image

کابل؛ ۳۲ کارکوونکو ته د مالي کړنلارو په اړه څلور ورځنۍ روزنه پیل شوه

شنبه، ۱۰ جمادی‌ الآخره ۱۴۴۸

د افغاني سرې میاشتې د مالي ریاست په نوښت، د روغتیايي خدمتونو، داخلي پلټنې، مالي او پېښو ریاستونو او کنټرول آمریت ۳۲ کارکوونکو ته د مالي مدیریت او کړنلارو په. . .

شنبه ۱۴۰۵/۸/۳۰ - ۶:۳۹
Background image

زابل؛ له ۷۰۰ زیانمنو کورنیو سره ۸.۷۵ میلیونه افغانۍ نغدي مرسته وشوه

شنبه، ۱۰ جمادی‌ الآخره ۱۴۴۸

د افغاني سرې میاشتې له لوري د زابل ولایت د شملزو ولسوالۍ په ځنځیر کلي کې د جګړو له امله له ۷۰۰ زیانمنو کورنیو سره ۸ میلیونه او ۷۵۰ زره افغانۍ نغدي مرسته. . .

شنبه ۱۴۰۵/۸/۳۰ - ۵:۲۴
Background image

پکتيا کې زرګونو ناروغانو ته پراخ روغتيايي خدمتونه وړاندې شوي

شنبه، ۱۰ جمادی الآخره ۱۴۴۸ 

د افغاني سرې میاشتې روغتیايي کارکوونکو د پکتیا ولایت په بېلابېلو ولسوالیو او کلیو کې د تېرو ۳۰ ورځو په اوږدو کې ۷۵۹۹ تنو سراپا ناروغانو ته د معاینې، اړینو. . .

BACK TO NEWS