افغاني سرې مياشتې سره د ترکیې د دیانت بنسټ له لوري د اړمنو او بې وزله هېوادوالو د لاسنیوي په موخه د ۲ زره خوراکي بستو مرسته كېږي!

arcs_website_admin
سه‌شنبه ۱۴۰۳/۱۱/۲۳ - ۱۰:۵۱
خبرونه

افغاني سرې مياشتې سره د ترکیې د دیانت بنسټ له لوري د اړمنو او بې وزله هېوادوالو د لاسنیوي په موخه د ۲ زره خوراکي بستو مرسته كېږي!

نن سه شنبه د شعبان میاشتې پر ۱۲مه، د افغاني سرې میاشتې سرپرست عمومي رئيس ښاغلي شیخ الحدیث شهاب الدین دلاور او د نوموړي مرستیال ښاغلي حافظ عزیز الرحمن ددې خیریه ملي ټولنې په مرکزي دفتر کې  د افغانستان لپاره د ترکیې د ديني چارو بنسټ (ديانت)  له سلاکار ښاغلي دکتور امراح کاند میر سره  د روژې مبارکې میاشتې په اوږدو کې د اړمنو او بې وزله هېوادوالو د لاسنیوي په موخه د ۲ زره خوراکي بستو د چمتو کولو په اړه د همغږۍ ناسته وکړه.
 ناسته کې سرپرست عمومی رئيس ښاغلي دلاور له افغاني سرې میاشتې د یاد بنسټ له همېشنۍ همکارۍ څخه مننه وکړه او د روژې مبارکه میاشت کې یې د اړمنو او بې وزله کورنیو د ملاتړ او لاسنیوي برخه کې د دوی له لوري ۲ زره خوراکي بستې برابرول مهم ګام وباله.
ورپسې د دیانت بنسټ سلاکار په خپلو څرګندونو کې له افغاني سرې میاشتې سره د مرستو د پراختیا او زیاتوالي برخه کې د همکاریو د دوام ترڅنګ ژمنه وکړه، چې په اختر کې به ۲۰۰ یتیمانو ته جامې هم برابروي. 
د یادونې وړ ده، چې د مرسته شویو ۲ زره خوراکي بستو له جملې ۱۵۰۰ به په کابل او پاتې ۵۰۰ بستې به په هرات ولایت کې پر اړمنو او بېوزله کورنیو ووېشل شي.

تازه خبرونه

شنبه ۱۴۰۵/۸/۳۰ - ۹:۲۵
Background image

کابل؛ ۳۲ کارکوونکو ته د مالي کړنلارو په اړه څلور ورځنۍ روزنه پیل شوه

شنبه، ۱۰ جمادی‌ الآخره ۱۴۴۸

د افغاني سرې میاشتې د مالي ریاست په نوښت، د روغتیايي خدمتونو، داخلي پلټنې، مالي او پېښو ریاستونو او کنټرول آمریت ۳۲ کارکوونکو ته د مالي مدیریت او کړنلارو په. . .

شنبه ۱۴۰۵/۸/۳۰ - ۶:۳۹
Background image

زابل؛ له ۷۰۰ زیانمنو کورنیو سره ۸.۷۵ میلیونه افغانۍ نغدي مرسته وشوه

شنبه، ۱۰ جمادی‌ الآخره ۱۴۴۸

د افغاني سرې میاشتې له لوري د زابل ولایت د شملزو ولسوالۍ په ځنځیر کلي کې د جګړو له امله له ۷۰۰ زیانمنو کورنیو سره ۸ میلیونه او ۷۵۰ زره افغانۍ نغدي مرسته. . .

شنبه ۱۴۰۵/۸/۳۰ - ۵:۲۴
Background image

پکتيا کې زرګونو ناروغانو ته پراخ روغتيايي خدمتونه وړاندې شوي

شنبه، ۱۰ جمادی الآخره ۱۴۴۸ 

د افغاني سرې میاشتې روغتیايي کارکوونکو د پکتیا ولایت په بېلابېلو ولسوالیو او کلیو کې د تېرو ۳۰ ورځو په اوږدو کې ۷۵۹۹ تنو سراپا ناروغانو ته د معاینې، اړینو. . .

BACK TO NEWS