د افغاني سرې میاشتې نوی سرپرست ریس ښاغلي شهاب الدین دلاور د افغان کوریا انستیتیوت له ریس سره لیدنه وکړه
د افغاني سرې میاشتې سرپرست عمومي رئیس ښاغلي شـ.ـيـ.ـخ الحـ.ـ.ـديث شـ.ـ.ـهـاب الـ.ـ.ـدين دلاور نن سه شنبه د محرم الحرام د میاشتې پر ۲۴ مه، د افغان کوریا انستيتوت له رئیس ښاغلي محمد امین عارف سره د ۱۵۰ اړمنو او بې سرپرسته زده کوونکو ته د زده کړو زمينې برابرولو په موخه ناسته وکړه.
ناسته کې د افغاني سرې میاشتې سرپرست عمومي رئیس په خپلو خبرو کې وويل: افغاني سره میاشت هوډ لري څو د هلمند، فراه او فاریاب ولایتونو ۱۵۰ تنو اړمنو او بې سرپرستو زده کوونکو ته چې عمرونه یې له ۱۶ کلنو لوړ وي؛ پلازمینه کابل کې د پنځه میاشتنیو حرفوي زده کړو او ليليې د اسانتياوو د زمینې برابرولو ترڅنګ د یادو اړمنو زده کوونکو کورنيو ته په درېوو پړاونو کې خوراکي توکي هم ورکړي.
همدرانګه د یادو ولایتونو څخه به ۶۵۰ تنو بې سرپرستو او اړمنو مېرمنو ته د مالدارۍ، خیاطۍ او ګلدوزۍ په برخه کې د با تجربه ښځينه استاذانو له لوري روزنه هم ورکړل شي.
د افغان کوريا انستيتوت مسٸول د افغاني سرې مياشتې د خدماتو او بشرپالو فعاليتونو ستاينه وکړه او د پورته ذکر شوو مواردو په اړه يې د پوره چمتووالي او همکارۍ ډاډ څرګند کړ.
د یادونې وړ ده چې د یادې پروژې ټول مالي لګښت د قطر پرمختیایي فنډ له لوري تادیه کیږي .
