اسلام کلا؛ د افغاني سرې میاشتې مرستیال د راستنېدونکو کډوالو د بشري مرستو بهير وارزوه
سې شنبه، ۱ ربیع الثاني ۱۴۴۷
د افغاني سرې میاشتې مرستیال ښاغلي حافظ عزیزالرحمن، هرات ولایت ته د خپل سفر په ترڅ کې اسلامکلا بندر کې له ایرانه راستنېدونکو کډوالو ته د بشري مرستو له بهیر څخه له نږدې لیدنه وکړه.
ښاغلي مرستيال د پخو خوړو د وېش، د څښاک پاکو اوبو رسولو، روغتیایي او نورو بشري خدمتونو د اروزنې ترڅنګ مسٸولينو، کارکوونکو او رضاکارانو ته د کډوالو لپاره د مرستو د کیفیت، چټکتیا او اغېزمنتیا په اړه لازمې سپارښتنې هم وکړې.
ښاغلي عزیزالرحمن وویل: افغاني سره میاشت ژمنه ده، چې له ګاونډیو هېوادونو څخه راستنېدونکو کډوالو ته بېړنۍ، اغېزمنې او بشردوستانه مرستې برابرې کړي او هڅه کوي چې له دوی سره نه یوازې د خوراک، څښاک او درملنې برخه کې مرسته وکړي، بلکې د سرپناه او نورو اساسي اړتیاوو لپاره هم هر اړخیز امکانات چمتو کړي.
نوموړي همدا راز، کډوالو سره په نېک او ښه چلند ټينګار وکړ او د دوى خدمت يې د کارکوونکو او رضاکارانو ديني او ملي وجيبه ياده کړه.
