د کندهار ولایت په انځرګي پنډغالي کې راستنېدونکو کډوالو ته لازمې اسانتياوې برابرې شوې!
د کندهار ولایت په انځرګي پنډغالي کې راستنېدونکو کډوالو ته لازمې اسانتياوې برابرې شوې!
د افغاني سرې میاشتې د محترم مقام د حکم پر اساس د کندهار ولايت تخته پل ولسوالۍ انځرګي پنډغالي ته له مرکز څخه د مرستونونو عمومي رٸيس ښاغلي شيخ مولوي سيد احمد بهرمند، د پېښو رياست رٸيس ښاغلي ملا محمد صالح اخند زاده او مل پلاوي سفر ترسره او د راستنو شويو کډوالو د وضعيت، ستونزو او اړتياوو د ارزونې وروسته يې ورته بېړنيو خدماتو ترسره کولو ترڅنګ لازمې اسانتياوې هم برابرې کړې.
افغاني سرې مياشتې په بېړنۍ توګه په ياد پنډغالي کې د راستنو شويو کډوالو لپاره د لنډ مهالې سرپناه په موخه ١٠٠ بابه خېمې نصب کړې، له ګرمې هوا څخه د ژغورنې په موخه يې دوى ته ۵۰ پايې پکي ووېشل، ۲۰ تنو کارګرو لپاره د پیسو په بدل کې د کار پروژه، چې هدف يې د کمپ پاکوالی، راستنېدونکو کډوالو ته عامه پوهاوی او له کډوالو سره د انتقالاتو په چارو کې همکاري کول دي ؛ پيل کړه، د څښاک او پاکو اوبو د ذخيره کولو په موخه يې شپږ دانې ١٠٠٠ لېتره ټانکۍ نصب کړې او ترڅنګ يې ١٠٠٠ تنو راستنو شويو کډوالو ته هره ورځ ١٠٠٠ خوراکه پخو خوړو د وېش سربېره به د پاکو اوبو د چمتو کولو په پار ٣٠ کُندې يخ هم ووېشل شي.
