بدخشان ولایت کې پر ١٠٠٠ پېښځپلو کورنیو (۳۰،۰۰۰،۰۰۰) دېرش ميليونه نغدي مرسته ووېشل شوه
بدخشان ولایت کې پر ١٠٠٠ پېښځپلو کورنیو (۳۰،۰۰۰،۰۰۰) دېرش ميليونه نغدي مرسته ووېشل شوه
نن سه شنبه د جمادي الأولی د میاشتې پر ۱۷مه، د افغاني سرې میاشتې له لوري د آى سي آر سي نړيوالې کمېټې په مالي ملاتړ د بدخشان ولایت په مرکز فیض آباد ښار کې پر ۱۰۰۰ پېښځپلو او اړمنو کورنیو د مرکزي دفتر د اطلاعاتو او خپرونو د رئیس ښاغلي مولوي مدثر همراز او د دعوت او ارشاد د رئیس مولوي ګل الرحمن مهاجر په شتون کې په ټولیزه توګه دېرش میلیونه (۳۰،۰۰۰،۰۰۰) افغانۍ نغدي مرسته ووېشل شوه، چې هرې کورنۍ ته ۳۰،۰۰۰ افغانۍ ورکړل شوې.
د یادې مرستې د وېش پر مهال د بدخشان ولایت د نمایندګۍ رئیس ښاغلي مولوي محمد عيسى جاهد د افغاني سرې مياشتې د بشرپالو، روغتيايي او ښوونيزو فعاليتونو په اړه تفصيلي معلومات وړاندې کړل او ډاډ يې څرګند کړ چې ياده خيريه ملي ټولنه به د اړمنو، بې سرپرسته کورنيو او پېښځپلو د لاسنيوي په برخه کې خپلو هڅو ته دوام ورکړي.
