کابل!
افغاني سرې میاشتې د سوري زړه په ناروغۍ اخته ۳۴ نور ناروغ ماشومان پلازمېنه کابل کې نن د دوشنبې په ورځ د جمادی الثاني پر ۱۶مه آریانا او فرانسویانو روغتونونو ته د عملیات او درملنې په موخه ور وپېژندل. افغاني سرې میاشتې په تېرو څو میاشتو کې پلازمېنه کابل کې د زړونو د درملنې بېلابېلو روغتونونو ته د سوري زړه په ناروغۍ اخته ۵۴۲ ناروغ ماشومان ور پېژندلي. د سوري زړه په ناروغۍ د هر اخته ناروغ لګښت له ۲۱۰۰۰۰ تر ۷۵۰۰۰ افغانیو پورې دی چې د افغاني سرې میاشتې له لوري ورکول کېږي. ددې تر څنګ د درملنې پر مهال د ناروغ او د ناروغ د پایواز لګښت هم افغاني سره میاشت تادیه کوي.
