د افغاني سرې میاشتې د پنجشیر ولایت د ځوانانو کلپ د یاد ولایت په خنج ولسوالۍ کې له تنکیو ځوانانو د کانکور آزمایښتي آزموینه واخیسته!
د هېواد تنکیو ځوانانو ته د زده کړو زمینه برابرول د افغاني سرې میاشتې له موخو ګڼل کېږي. په همدې موخه د روان سپوږمیز کال د ربیع الاول پر ۴مه د افغاني سرې میاشتې د پنجشیر ولایت د ځوانانو کلپ د یاد ولایت په خنج ولسوالۍ کې له تنکیو ځوانانو د کانکور آزمایښتي آزموینه واخیسته. په یاده آزموینه کې، چې د افغاني سرې میاشتې د پنجشیر ولایت د ریاست په نوښت د پوهنې له ریاست سره په همغږۍ د دخنج ولسوالۍ دمرکﺯي لېسې په انګړ کې په لار اچول شوې وه؛ د یادې ولسوالۍ د ګڼو ښوونځیو ﺯده کوونکو ۴۵ تنه دولسم فارغانو په کې ګډون کړى وو.د يادونې وړ ده چې له دې مخکې هم د افغاني سرې مياشتې له لورې په شتل، باﺯارک، دره و آبشار ولسواليو کې ورته آﺯمايښتي اﺯموينې په لار اچول شوې وې چې د ښوونځيو د ﺯده کوونکو او دمعارف د منسوبينو لخوا په مينه بدرګه او وستايل شوې.
