فاریاب ولایت کې ۵۰۰ کورنۍ د افغاني سرې میاشتې ټولنې له مرستو برخمنې شوې!
د پنجشنبې او جمعې په ورځ د روان ۱۴۴۳ سپوږمیزکال د شوال میاشتې پر ۱۹ او ۲۰ مه، چې د ۱۴۰۱ لمریزکال د وري له ۲۹ او ۳۰ مې نېټې سره سمون لري، فاریاب ولایت کې د ورستیو سیلابونو له امله ۵۰۰ سروې شوې اړمنې او سیلاب ځپلې کورنۍ د ترکیې هېواد د خوراکي او غیر خوراکي توکو له مرستې برخمنې شوې.
په مرسته شویو توکو کې د هرې کورنۍ لپاره ۵ لیتره غوړي، ۸ کیلو سوجي اوړه، ۳ پاکټه آش، ۵ کیلو لوبیا، ۴ کیلو نخود، ۱ کیلو نسک، ۱ کیلو بوره، ۲ کیلو وريژې، ۴۵۰ ګرامه مربا او یو جوړ ښځینه جامې شاملې وې.
د یادونې وړ ده چې د یادو کورنیو له ډلې ۳۰ پيښځپلې کورنۍ د (الف) ګروپ په کټګورۍ کې سروې شوې وې، چې په وېشل شویو توکو کې د هرې کورنۍ لپاره ۵ قلمه غیر خوراکي توکي، ۱ باب خیمه، ۱ تخته پلاستیکي ترپال، ۶ تختې کمپلې، د پخلنځي یو سیټ او ۲ د اوبو بوشکې شاملې وې او ۵۰ کورنۍ د ( ب) ګروپ په کټګورۍ کې سروې شوې وې، چې یادو کورنیو ته په وېشل شویو توکو کې ۴ قلمه توکي، ۱ تخته پلاستیکي ترپال، ۶ تختې کمپلې، د پخلنځي یو سیټ او د اوبو ۲ بوشکې شامل و، ووېشل شول.
