کابل؛ افغاني سرې میاشتې او د بریتانیا سره صلیب د بشري همکاریو پر پراختیا ټینګار وکړ

arcs_website_admin
Wed, Nov 18 2026 12:02 PM
K

چهارشنبه، ۷ جمادى الآخره ۱۴۴۸

د افغاني سرې میاشتې عمومي رئیس شیخ‌ الحدیث شهاب‌ الدین دلاور د بریتانیا سره صلیب د نړیوالو چارو له اجرائیوي مشر ریچارډ بلویټ، د افغانستان او پاکستان لپاره د یادې ادارې له استازي جېرمي سمیت او مل پلاوي سره د بشري او روغتیايي همکاریو د پراختیا او همغږۍ په اړه خبرې وکړې.

په دې ناسته کې د افغاني سرې میاشتې د بشري او روغتیايي خدمتونو په اړه معلومات وړاندې شول. شيخ الحديث دلاور وویل، افغاني سره میاشت د بې‌ سرپرسته مېرمنو د ملاتړ او ځان‌ بسیاینې، پېښځپلو او راستنېدونکو کډوالو د لاسنیوي، رواني ناروغانو د درملنې او د قلبي روغتون له لارې د سوري زړه ناروغۍ لرونکو ماشومانو د درملنې او عملیاتو ترڅنګ، په لرې پرتو سیمو کې هم روغتیايي خدمتونه وړاندې کوي.

نوموړي د بشري او روغتیايي خدمتونو د لا پیاوړتیا لپاره د بریتانیا سره صلیب همکاري مهمه وبلله او د همکاریو د پراختیا غوښتنه یې وکړه.

د بریتانیا سره صلیب د نړیوالو چارو اجرائیوي مشر د افغاني سرې میاشتې بشري او روغتیايي خدمتونه مهم او اغېزمن وبلل او د مرکزي او قلبي روغتونونو او مرستون له لارې یې ترسره کېدونکي خدمتونه وستایل.

ریچارډ بلویټ د دواړو ادارو ترمنځ د بشري خدمتونو په برخه کې د پنځه کلن مشارکتي تړون له مخې د همکاریو پر دوام ټینګار وکړ.

افغاني سره میاشت د بشري او روغتیايي خدمتونو د پیاوړتیا او اړمنو خلکو ته د لا اغېزمنو خدمتونو د رسولو لپاره د سرو مياشتو او سرو صليبونو نړیوال غورځنګ له غړو سره د همکاریو او همغږۍ پراختیا ته دوام ورکوي.

Latest news

Wed, Nov 18 2026 3:37 PM
Background image

Kabul: Stationery and Backpacks Distributed to 1,065 Students at Mashal Bayat School

Wednesday, November 18, 2026

 

The ARCS distributed stationery and backpacks to 1,065 students at its Mashal Bayat School in Kabul.

The distribution ceremony was attended by. . .

Wed, Nov 18 2026 12:54 PM
Background image

Kunduz: Written Exam Held for 48 Candidates for Three Healthcare Positions

Wednesday, November 18, 2026

 

The ARCS conducted a written exam in Kunduz Province to recruit qualified and professional candidates for three healthcare positions at the Northeastern. . .

Wed, Nov 18 2026 12:08 PM
Background image

Kabul: ARCS and British Red Cross Emphasize Expansion of Humanitarian Cooperation

Wednesday, November 18, 2026

 

Sheikh-ul-Hadith Shahabuddin Delawar, General President of the ARCS, held discussions with Richard Blewitt, Executive Director of International Affairs. . .

BACK TO NEWS