بلخ؛ د جګړو او وچکالۍ له امله ۱۰۰۰ زيانمن بزګرانو ته ۲۳ میلیونه افغانۍ ووېشل شوې
شنبه، ۱۲ جمادی الأولى ۱۴۴۸
د افغاني سرې میاشتې له لوري د بلخ ولایت په دولت آباد ولسوالۍ کې د جګړو او وچکالۍ له امله پر ۱۰۰۰ زيانمنو بزګرانو ۲۳ میلیونه افغانۍ نغدي مرسته ووېشل شوه.
یاده مرسته د سره صلیب نړیوالې کمېټې له لوري چمتو شوې وه، چې هر بزګر ته ۲۳ زره افغانۍ ورکړل شوې.
د دې پروګرام موخه د بې ځایه شویو بزګرانو د بېړنیو اړتیاوو پوره کول او د هغوی د اقتصادي ستونزو راکمولو کې مرسته ده.
افغاني سره میاشت د خپلو بشري پروګرامونو له لارې د ناورینونو او وچکالۍ له امله له بې ځایه شویو کورنیو سره د مرستو لړۍ ته دوام ورکوي.
