راستنېدونکي کډوال او لومړنۍ اړتیاوې؛ بادغیس کې ۱۰۰۰ کورنیو سره بېړنۍ مرسته وشوه

پنجشنبه، ۲۵ رجب ۱۴۴۷
د بادغیس ولایت په مرکز، بالامرغاب او غورماچ ولسوالیو کې له ۱۰۰۰ راستنو شوو کډوالو کورنیو سره د افغاني سرې میاشتې د عمومي رئیس شیخ الحدیث شهاب الدین دلاور په هدایت، ۱۲ قلمه د مختلف النوعه خوراکي او غیر خوراکي توکو مرسته وشوه.
په مرسته کې د هرې کورنۍ لپاره په خوراکي توکو کې ۵۰ کیلو اوړه، ۵ لیټره غوړي، ۱۰ کیلو وریژې، ۱۰ کیلو نخود، ۱۰ کیلو دال، ۵ کیلو بوره، ۵ کیلو مکروني، ۱ کیلو رُب او په غیر خوراکي توکو کې ۱ کمپله، ۱ بوتل د لوښو مینځلو شامپو او ۱ د روغتیا ساتنې بسته شامله وه.
تمه ده، چې دغه مرسته د راستنو شوو کورنیو د خوراکي او غیر خوراکي توکو د لنډمهاله اړتیاوو په پوره کولو کې اغېزمنه تمامه شي.