د افغاني سرې میاشتې ټولنې سرپرست رییس د ترکیې هېواد د قنیه ښار د سرې میاشتې له رییس او سکرترجنرال سره ولیدل!
چهارشنبه د روان ۱۴۴۳ سپوږمیزکال د رمضان المبارک میاشتې پر۱۹ مه نېټه د افغاني سرې میاشتې ټولنې سرپرست رییس او مل پلاوي د ترکیې هېواد د قنیه ښار د سرې میاشتې له رییس او سکرترجنرال سره ناسته ترسره کړه.
په دې لیدنه کې د ترکیې هېواد د قنیه ښار د سرې میاشتې د رییس او سکرترجنرال سربیره د ترکیې هېواد خیرپالو او بډایه وګړو هم شتون درلود، چې په ترڅ کې یې په بېلابېلو مسایلو خبرې وشوې او د مرستو پر پراختیا ټینګار وشو.
په مقابل کې د افغاني سرې میاشتې سرپرست رییس د ترکیې هېواد له مرستو مننه وکړه او زیاته یې کړه، افغاني سره میاشت یواځینۍ خیرپاله ټولنه ده، چې تل یې د بېوزله وکړو لاسنیوی کړی.
