جوزجان؛ د اورلګېدنې له امله زیانمنې کورنۍ ته بېړنۍ مرسته ورکړل شوه
دوشنبه، ۸ ربیع الآخر ۱۴۴۸
د افغاني سرې میاشتې له لوري د جوزجان ولایت د مرکز شبرغان ښار په مصر آباد کلي کې د اورلګېدنې له امله یوې زیانمنې کورنۍ ته بېړنۍ مرسته ورکړل شوه.
په دې مرسته کې د یادې کورنۍ د بېړنیو اړتیاوو د پوره کولو لپاره شپږ کمپلې، دوه ترپالونه، د پخلنځي د توکو یو سیټ، ۲۴ متره پلاستیک او د اوبو دوه بوشکې شاملې وې.
افغاني سره میاشت د ناڅاپي پېښو پر مهال زیانمنو کورنیو ته د لومړنیو اړتیاوو د پوره کولو په موخه بېړنۍ بشري مرستې رسوي.
