کابل ولایت کې د افغاني سرې میاشتې له لوري ۳۰۰ کورنیو ته مرسته ووېشل شوه!
نن شنبه د روان ۱۴۰۰ لمریز کال د کب پر ۷مه نېټه د افغاني سرې میاشتې له لوري د کابل ولایت په ده سبز ولسوالۍ کې ۳۰۰ بېوزلو او اړمنو کونیو ته چی د کابل نمایندګۍ له لاری سروې شوي ول د افغاني سرې میاشتې د کابل نماینده ګۍ له لوري په ده سبز ولسوالۍ کې د خوراکي او غیر خوراکي توکو مرسته د افغانې سرې مياشتې ټولنې سرپرست مرستيال ښاغلی ملا نور الدين "ترابي"، مرکزي سويل لويديځ زون رئيس محترم مولوي الياس خيل "ناصري" ، د ترکيې د سفارت او سرې مياشتې استازو محترم امره ګوربوز او احمد فرید ، د کابل څانګې رئيس مولوي عبد الله حماد ،د کابل سرې مياشتې یو شمیرکارکونکواو رضاکارانو په شتون کې ووېشل شوه.
یاده مرسته، چې د ترکیې د سرې میاشتې له لوري چمتو شوې وه؛ په کې هرې کورنۍ ته ۲۵ کیلو اوړه ، ۵ کیلو وريجې، ۵ کیلو رب، ۸ قطي د لوبیا او نخودو کنسر، ۵ لېټره غوړي، یوه بسته زمنۍ البسه چې پکې ۲ تختې کمپلې، دوه زنانه ټکري او یوه زیربهراني شامل دی وویشل شو.
د افغاني سرې میاشتې ټولنې مرستیال ملا نورالدین ترابی د مرستو د وېش پر مهال د ترکېې هیواد له مرستو څخه مننه وکړه او د یاد هیواد له استازو څخه یی و غوښتل چې دا مرستې لا زیاتې او ګړندۍ کړی تر څو وکولای شو پدې سختو شرایطو کې د بیوزله هیواد والو لاسنیوی وکړو.
ورپسې د ترکې هیواد استازی وویل، د ترکیې هیواد افغان ولس خپل دینې وروڼه ګڼي او ددوی مرسته خپله وجیبه ګڼي له همدې امله مو د نیکۍ د مرستو کاروان له لارې خپلې مرستې ترسره کړی او ژمن یو چې دا لړۍ به دوامداره ساتو .
د یادونې وړ ده چې دا مرسته د ۷۵۰ ټنه خوراکی او غیرخوراکی مرستو له جملې څخه ده چې د نیکۍ ریل په لومړي قطار کې کابل ته رارسیدلې او د سرې میاشتې له لوري ویشل کیږي.
