د افغاني سرې میاشتې ټولنې مرستیال د ترکیې هېواد د سفارت له مرستیال سره وکتل!
د دوشنبې په ورځ د روان ۱۴۰۰ لمریزکال د کب د میاشتې پر ۲ نېټه د افغاني سرې میاشتې ټولنې مرستیال مولوي صاحب نورالدین ترابي د ترکیې هېواد د سفارت له مرستیال او د یاد هېواد د سرې میاشتې له استازي سره د ۹۰۰ ټنه خوراکي اوغیر خوراکي مرستې د وېش او پلان په اړه، چې پام کې ده د چهارشنبې په ورځ د د تور غونډۍ بندر له لارې هېواد ته را وړل شي او د افغاني سرې میاشتې ټولنې ته وسپارل شي د ترکیې په سفارت کې ولیدل. د افغاني سرې میاشتې ټولنې مرستیال محترم ملا نورالدین ترابي د مننې ترڅنګ د ترکیې هېواد د بشرپالو مرستو د وېش په اړه ډاډ ورکړ او ژمنه یې وکړه، چې یادې مرستې به ډېر ژر په شفاف ډول د هېواد په لاندې ۱۷ ولایتونوکې اړمنو او بېوزلو کورنیو ته ووېشل شي. ۱ بادغیس، ۲: غور، ۳: فراه ، ۴: نیمروز، ۵: هلمند، ۶: کندهار، ۷: اروزګان، ۸: زابل، ۹: کابل، ۱۰ پکتیکا،۱۱: لوګر، ۱۲: لغمان ، ۱۴: بغلان، ۱۵: جوزجان ، ۱۶ سرپل و ۱۷: فاریاب. د یادونې وړ ده، چې هر ولایت ته ۵۰۰ بستې توکي په پام کې نیول شوي او راتلونکې اونۍ به د یادو مرستو بله جوپه هېوادته راورسېږي، چې په پاتو نورو ولایتونو به ووېشل شي. ملانورالدین ترابي د ولایتونو له مسؤلینو غوښتنه وکړه ترڅو په لر پرتو سیموکې داسې اړمنې او بېوزلې کورنۍ وټاکي، چې هېڅ مرسته ورسره نه وي شوي.
