جوزجان؛ د افغاني سرې مياشتې مرستيال د نمايندګۍ له فعاليتونو او ملکيتونو ليدنه وکړه
سې شنبه، ۱۱ ذوالقعده ۱۴۴۷
د افغاني سرې مياشتې مرستيال، ښاغلي حافظ عزيز الرحمن، شمال زون ته د خپل سفر په لړ کې د جوزجان ولايت له نمايندګۍ څخه ليدنه وکړه.
د ليدنې پر مهال نوموړي د جوزجان نمايندګۍ فعاليتونه وارزول او د اداري چارو د لا ښه ترسره کېدو لپاره يې مسؤولينو ته لازمې لارښوونې وکړې او د موجوده ستونزو د حل او وړانديزونو د عملي کېدو په اړه يې هم ډاډ څرګند کړ.
همدارنګه، ښاغلي مرستيال د آقچې ولسوالۍ د افغاني سرې مياشتې ۱۵۰ جريبه ملکيتي ځمکه او په شبرغان ښار کې د جوزجان نمايندګۍ اړوند د جوړېدونکي يو پوړيز سوداګريز مارکيټ څخه ليدنه وکړه. نوموړي د يادو پروژو د پرمختګ او د ملکيتونو د اغېزمنې استفادې په اړه مسؤولينو ته اړينې سپارښتنې وکړې
