پکتیکا؛ له ٨٠ بېوزلو کورنيو سره نغدي مرسته وشوه
شنبه، ۲۹ صَفَر ۱۴۴۷
د افغاني سرې میاشتې له لوري پکتیکا ولایت کې له ۸۰ بېرونيو مشمولینو ( بېوزلو او سوالګرو) کورنیو سره د مياشتنۍ نغدي مرستې او راتلونکي کې له سوال کولو د مخنيوي په موخه درې سوه او څلور اویا زره (۳۷۴،۰۰۰) افغانۍ مرسته وشوه.
په مرسته کې د کورنيو د غړو شمېر ته په کتو ځينو کورنيو ته ۵۰۰۰، ځينو ته ۴۰۰۰ او يو شمېر کورنيو ته ۲۰۰۰ افغانۍ د بانکي حسابونو له لارې حواله شوې.
د یادونې وړ ده، چې افغاني سره میاشت په مياشتني ډول، دې کورنیو ته د جوړو شوو بانکي حسابونو له لارې په دوامداره توګه نغدي مرستې ورکوي.
