کندهار؛ له اړمنو او بېوزله کورنیو سره د اقتصادي لاسنیوي په موخه نغدي مرسته وشوه

یکشنبه، ۲۳ صَفَر ۱۴۴۷
د افغاني سرې میاشتې له لوري کندهار ولایت کې له ۶۰۰ اړمنو، بېوزلو او بې سرپرسته کورنیو سره د شپږ میلیونه او شپږ سوه زره (۶،۶۰۰،۰۰۰) افغانیو نغدي مرسته وشوه، چې هرې کورنۍ ته ۱۱،۰۰۰ افغانۍ ورکړل شوې.
د دې مرستې په ترلاسه کولو سره به یادې کورنۍ له اقتصادي اړخه له یوه اندازه لاسنیوي او د ژوند له لومړنیو اړتیاوو برخمنې شي.