کندز کې د کرنې او معیشت د ملاتړ په موخه ۲۵۰ کارګرو ته میاشتنی مزد ورکول شو
یکشنبه، ۲۳ صَفَر ۱۴۴۷
د افغاني سرې میاشتې له لوري د کندز ولایت، دشت ارچي ولسوالۍ په هزار چنار او ولي داد کلیو کې د کار په بدل کې د پیسو پروژه چې موخه یې د وچکالۍ له امله د اغېزمنو شوو کورنیو د معیشت ملاتړ، د اوبو لګولو بنسټونو ښه والی او د کرنیزو مهارتونو لوړول دي؛ ۲۵۰ تنو مسلکي او غیر مسلکي کارګرو ته په میاشتني ډول درې میلیونه او اته سوه لس زره (۳،۸۱۰،۰۰۰) افغانۍ مزد ورکړل شو، چې هر مسلکي کارګر ته په ورځني ډول ۱۰۰۰ او هر غیر مسلکي کارګر ته په ورځني ډول ۵۰۰ افغانۍ ورکړل شوې.
