کابل ولایت کې پر اړمنو، بېوزلو او بې سرپرسته کورنیو غوښه ووېشل شوه!
کابل ولایت کې پر اړمنو، بېوزلو او بې سرپرسته کورنیو غوښه ووېشل شوه!
نن یکشنبه د رجب د میاشتې پر ۱۸مه، د افغاني سرې میاشتې له لوري د کابل ولایت د نماینده ګۍ په ریاست کې پر ۲۲۰۰ اړمنو، بېوزلو او بې سرپرسته کورنیو په ټولیزه توګه ۱۳.۲۰۰ ټنه غوښه، د افغاني سرې میاشتې د سرپرست عمومي رئیس ښاغلي شیخ الحدیث شهاب الدین دلاور په شتون کې ووېشل شوه.
د يادې مرستې د وېش پر مهال ښاغلي دلاور د سعودي عربستان اسلامي او دوست هېواد څخه مننه وکړه او په دې سوړ ژمي کې یې دغه ډول مرسته مهمه ياده کړه او زیاته یې کړه چې په نزدې ورځو کې به ياده مرسته په پکتیا، میدان وردګ، لوګر او پروان ولایتونو کې هم پر مستحقو او بې وزلو کورنیو ووېشل شي.
یاده مرسته چې د سعودي عربستان هېواد له لوري چمتو شوې وه؛ هرې کورنۍ ته ۶ کیلو غوښه ورکړل شوه.
