د افغاني سرې میاشتې مرستیال د مرکز، زونونو او نمایندګیو مسئولینو ته د دایر شوي ورکشاپ له روزونکو سره وکتل!
د افغاني سرې میاشتې مرستیال د مرکز، زونونو او نمایندګیو مسئولینو ته د دایر شوي ورکشاپ له روزونکو سره وکتل!
نن شنبه د جمادي الآخر د میاشتې پر ۱۹مه، د افغاني سرې میاشتې مرستیال ښاغلي حافظ عزیز الرحمن په خپل کاري دفتر کې د افغاني سرې میاشتې مرکزي او ولايتي مسئولینو ته د سازماني ظرفیت د ارزونې تر عنوان لاندې د دایر شوي ورکشاپ له روزونکو ښاغلي جانګو وین او ښاغلي جرجر سره د یاد ورکشاپ د اغېز په هکله ناسته وکړه.
ناسته کې د افغاني سرې میاشتې مرستیال د ورکشاپ د روزونکو د هلو ځلو د ستاینې او مننې ترڅنګ د ورته ورکشاپونو د دوام غوښتنه وکړه او دغه ډول ورکشاپونه یې ددې خیریه ملي ټولنې د مسٸولینو د کاري وړتياوو د لوړونې برخه کې مهم او ارزښتمن وبلل.
ورپسې د یاد پنځه ورځني ورکشاپ روزونکو په خپلو خبرو کې ژمنه وکړه، چې راتلونکي کې به د افغاني سرې میاشتې د مسئولینو د ظرفیت لوړونې په پار د لا ډېرو روزنیزو ورکشاپونو زمینه برابره کړي او دې برخه کې به خپلو همکاريو ته دوام ورکړي.
