پکتیکا!
افغانې سرې میاشتې د هیواد په ۳۴ ولایتونو کې اړمنو او بې سرپرسته هیوادوالوته دخدمت په موخه ثابت، فرعې او ګرځنده روغتیایي مرکزونه ایجاد کړي. چې په ورځينۍ توګه اړمنو، پېښځپلو او بې وسه وګړو ته په بېلابېلو برخو کې روغتيايي خدمات وړاندې کوي.د يادو روغتيايي مرکزونو له جملې څخه د پکتیکا ولايت روغتيايي مرکزونه دي، چې په تېره يوه مياشت کې يې ټولټال ۲۵۲۷۳ هېوادوالو ته په بېلابېلو برخو کې روغتيايي خدمات وړاندې کړي، چې له جملې يې ۱۱۸۳۰ تنو درملنه شوې، د ۹۸ تنه ټپيانو پانسمان شوی،۵۳۱۹ ښځو او ماشومانو ته واکسين تطبیق شوی، ۷۲۲۸ تنو ته روغتيايي مشورې ورکړل شوي او ۷۹۸ تنه ښځو ته له زېږون وړاندې او وروسته د روغتيا ساتنې اړوند لارښوونې شوې دي.
