بامیان!
د افغاني سرې میاشتې له لوري، نن د ربیع الثاني پر ۹مه، د بامیانو ولایت په پنجاب ولسوالۍ کې د زراعتي کمیټو غړو ته د غنمو تخنیکي کرنې دوه ورځنې روزنیز ورکشاپ پای ته ورسېد. په یاد ورکشاپ کې ګډونوالو ته د غنمو ډولونه، د کرلو وختونه، د حاصل خیزه ځمکو ځانګړتیاوې،د کیمياوي سرې استعمال او نباتي امراضو سره د مبارزې باره کې بشپړ معلومات ورکړل شول. افغاني سرې میاشتې یادې ولسوالۍ کې تېره میاشت ۳۰۰ بزګرانو سره او د تېرې جمعې په ورځ ۳۰۰ بزګرانو سره د غزني ولايت په اندړو ولسوالۍ کې د اصلاح شوي تخم او کیمیاوي سرې اخیستلو په موخه دنړيوال فدراسيون په مالي ملاتړ ټولټال ۵۴۰۰.۰۰۰ افغانیو نغدي مرسته ترسره کړې وه، چې په یاده مرسته کې هر بزګر ته ۹۰۰۰ افغانۍ ورکړل شوې وې.
