هرات!
د افغاني سرې میاشتې سرپرست عمومي رئیس ښاغلي مولوي مطیع الحق خالص او د کویت هېواد د خیریه ټولنو د اتحادیې مسؤل ښاغلي جمال نوري د هرات د زلزله ځپلو کورنیو د لاسنیوي په موخه انلاین ناسته وکړه. ناسته کې په هرات ولایت کې د وروستیو زلزلو له امله پر اوښتو زیانونو او د زیانمنو پر لاسنیوي خبرې وشوې. ناسته کې هوکړه وشوه، چې افغاني سره میاشت به د ۳۰۰ زره امریکایي ډالرو په برابر د لومړیتوبونو پر بنسټ د زلزله ځپلو د لاسنیوي پروژه ترتیبوي، چې د کویت د خیریه ټولنو اتحادیه به یې مالي ملاتړ کوي.
