لوګر ولایت کې د افغاني سرې میاشتې له لوري ١٠٠٠ سیلاب ځپلو کورنیو ته مرسته ووېشل شوه!
د يخ ژمې په درشل کې د بشري مرستو په دوام، نن شنبه د روان ١٤٤٤ سپوږميز کال، د جمادي الثانی په ۷مه، د افغاني سرې میاشتې له لوري د لوګر ولايت د خوښۍ ولسوالۍ اړوند ابتک، بالاده، دوبندی، تلخانی میانه ده، شینکۍ، اسلام دره او مڼۍ کلیو کې ۱۰۰۰ سیلاب ځپلو کورنیو ته، د خوراکي توکو مرسته ووېشل شوه. یاده مرسته کې هرې کورنۍ ته ۵۰ کیلو اوړه، ۲۴.۶ کیلو وریژې، ۱۰ ليټره غوړي، ۷ کیلو لوبیا، ۷ کیلو نخود، ۷ مټر دال، ۵ کيلو بوره، ۲ کیلو مالګه، ۱ کیلو شین چای او ۲ کمپلې، شامل وو.
