د افغاني سرې میاشتې سرپرست عمومي رئیس ننګرهار ولایت ته د افغاني سرې میاشتې د چارو د ارزونې په موخه سفر وکړ!
د افغاني سرې میاشتې سرپرست عمومي رئیس ښاغلي مولوي مطیع الحق خالص ننګرهار ولایت ته د افغاني سرې میاشتې د چارو د ارزونې په موخه سفر وکړ. نوموړي د افغاني سرې میاشتې د ختيځ زون همغږۍ ریاست او ننګرهار نمایندګۍ له رئیسانو او کارکوونکو سره د کاري فعالیتونو په اړه ناسته ترسره کړه.ناسته کې ښاغلي مولوي مطیع الحق خالص وویل، چې "مونږ او تاسې ټول د الله سبحانه و تعالی پر وړاندې مسؤلیت لرو، که ستاسو په سیمو کې څوک په لوږه ویده شو الله به مو راونیسي؛ تاسو ټول مکلف یئ، چې ولس ته خدمت وکړئ، خپلې خامۍ اصلاح کړئ، زمونږ وړه تېروتنه ډېره لویه تېروتنه ده،ستاسو خدمتونه موږ ته د منلو وړ دي او خوښي رابښي، خو یوه کوچنۍ تېروتنه مو د یوې ثانیې لپاره هم د منلو نده".
