افغاني سرې میاشتې بلخ ولایت کې ۳۰۰ اړمنو کورنیو سره مرسته ترسره کړه!
شنبه د روان ۱۴۴۳ سپوږمیزکال د شوال المکرم میاشتې پر ۱۴مه، د افغاني سرې میاشتې ټولنې له لورې د بلخ ولایت په مزار شریف ښارکې کې ۳۰۰ اړمنو او بېوزلو کورنیو ته د خوراکي توکو مرسته ترسره کړه.
یاده مرسته چې د ترکیې هېواد له لوري چمتو شوې وه؛ هرې کورنۍ ته پکې ۵۰ کیلو اوړه، ۶ لیتره غوړي او یو کارتن چې پکې بېلابېل خوراکي توکي شامل وو، ووېشل شوه.
